E represion di guardia nacional bolivariano contra manifestacion pacifico di oposicion di ayera 3 di mei a laga consecuencia visibel: varios herido pa bom lacrimogeno y hende afecta como consecuencia di gas.
Entre e hendenan cu a keda herida tin Freddy Guevara, diputado di Asamblea Nacional, di oposicion, cu a haya un golpi cu un bom lacrimogeno riba su pia.
Durante manifestacion periodista a denuncia censura pa medio di comunicacion, pasobra guardia nacional a forma un baricada, mientras tabata blokea e paso na periodistanan y asina nan no por a registra henter e sucedido cu a tuma lugar eynan, na altura di Altamira.
Mas laat, Mesa di Unidad Democratico a publica un potret di un manifestante cu a haya atencion medico despues cu el a haya un herida na su cara.
E marcha a cuminsa diaranson banda di 11:30 desde Altamira manera tabata planifica. E atake di banda di polis a cuminsa ora cu Venezolanonan tabata cana cerca di sector conoci como El Rosal.
