E mision di Nacionnan Uni na Somalia ta bisa cu un cantidad di persona a keda herida ora rondanan di mortar a cay den edificionan di ONU y Union Africano na Mogadishu.
E declaracion ta bisa cu e rondanan di mortar a cay laat atardi ayera. E ta cita representante special di ONU, James Swan, bisando cu e ta hororisa pa ‘e acto terorista descara aki contra nos personal’.
E grupo extremista vincula cu al-Qaida, al-Shabab a tuma responsabilidad pa e atake na capital di Somalia.
E edificio fuertemente fortifica di ONU a yega di ricibi atake cu mortar den pasado.
Union Africano tin un forsa multinacional cu ta preparando pa pasa responsabilidad di siguridad di e pais over na forsanan Somali durante e proximo lunanan.
