(DutchNews) – E Ministerio di Salud a admiti cu algun compania di cuido di salud a comete fraude pa medio di reclama bonus pa empleadonan eroneamente, pero ta bisa cu parlamento a insisti den implementacion rapido di e skema di bonus, noticiero NOS a bisa riba diamars.
Aña pasa, Ministernan a keda di acuerdo pa duna empleadonan di cuido di salud un bonus di 1,000 euro pa causa di e stress cu nan a pasa aden durante lucha contra di e pandemia di coronavirus. E plan eventualmente a costa 2.2 biyon, y no e suma di 1.4 biyon cu a calcula, pa motibo cu a haci mas reclamo di loke a premira.
Sinembargo, RTL Nieuws a reporta riba dialuna cu e tabatin conocemento di varios caso den cual companianan di cuido di salud a aplica pa bonus pa mas empleado di loke nan tabatin en realidad, of unda cu e doñonan di e negoshi a wanta e placa.
E problema ta particularmente agudo den companianan cu ta provee cuido na cas of cuido di hobennan, RTL a bisa.
MP a haci yamado na Gobierno pa bira mas estricto riba e personanan cu ta comete fraude y pa mas esfuerso ser haci pa saca afo cual e companianan ta cu ta reclamando placa eroneamente.
E Ministerio di Salud a bisa cu nan ta revisando pa cualkier fraude, y te cu awo 4 compania a ser haya di a comete fraude relaciona cu e bonus.
E aña aki, e bonus a keda reduci na 385 euro.
