Tabata parce cu Covid-19 tabata un tema di pasado, pero segun estudionan nobo algun mutacion di variante Omicron ta bin apareciendo na algun paisnan na mundo unda e medidanan di prevencion mester wordo implementa back.

Seis luna despues cu Omicron a wordo identifica pa prome biaha na Sur Africa y a causa un explosion di contagio cu a pone entre duda e strategianan contra pandemia cu a wordo plantia na e momento ey, e mutacion nobo di Omicron B.A 4 y B.A 5 ta bay tras un ola nobo y ta dunando pista di e manera con e virus lo evoluciona.

Varios estudio publica siman pasa na e revista Nature ta mustra cu e mutacion nobo di Omicron B.A 4 y B.A 5 manera tabata wordo sospecha, cu ta ligeramente mas contagioso cu e mutacion anterior y por evita parti di e proteccion inmunologico di infeccionnan previo y di e mesun vacunanan.

Organisacion Mundial di Salud tin bao vigilancia e mutacion of sub-variantenan aki di Omicron na Merca unda expertonan ta indica cu e virus ta evolucionando di un manera diferente den comparacion cu e dos prome aña di e pandemia.

B.A 4 y B.A 5 awor ta bin causando un promedio di casi 5.000 caso nobo pa dia for di maart di 2020 ora a registra 1.200, unda cu nan tambe ta calcula cu nan ta plamando mas lihe cu e prome variante di Omicron B.A 1.

E capacidad di B.A 4 y B.A 5 pa scapa for di inmunidad no ta dramatico pero si ta suficiente pa causa problemanan y provoca un ola nobo di infeccion, ta poco probabel cu e variantenan nobo lo causa un malesa hopi mas grave cu esun cu por a mira den ola anterior, specialmente den personanan vacuna.

Segun investigadonan aunke esaki ta bin indicando un influencia, personanan no ta drenta na hospital cu e mesun gravedad di antes, nan ta bisa cu ta hopi pronto pa haya sa B.A 4 y B.A 5 lo bolbe pone presion riba e sistema sanitario, cu segun a sigura, ta parce cu no ya cu tin un inmunidad halto den e poblacion.

Aunke B.A 4 y B.A 5 a wordo detecta na varios pais y parti di Merca unda ta posibel cu e mutacion aki lo no causa un ola di Covid-19 nobo, por lo menos no di manera lihe y splicacion cu nan ta duna ta cu e prome variante B.A 2 te ainda ta causando desaster na Europa pa loke e inmunidad di e poblacion ta keda halto y lo tin menos bentaha di provoca un ola mas grandi.

Na e momentonan aki, 25% di e poblacion di New York ta biba den un zona cu halto nivel di Covid-19 di acuerdo cu loke CDC a declara loke ta obliga na e uso obligatorio back di tapaboca, di su parti e hospitalisacion di personanan na luna di mei a aumenta den 10% compara cu e siman anterior.

Pero B.A 4 y B.A 5 no ta e dos unico variante nobo, tambe a surgi na comienso di april BA.2.12.1 cu tin un velocidad di contagio di 25% mas lihe cu y ta e causante di e 37% di casonan di Covid-19 na Merca na unda nan ta espera cu lo ta e variante den proximo simannan.

Esunnan cu ta wordo contagia cu e variante aki ta presenta sintomanan leve, den algun casonan similar of sin un diferencia grandi di esunnan cu ta conoci caba y tin un duracion di aproximadamente 4 dia, un periodo menor compara cu e sintomanan di Delta cu tabata permanece te hasta shete dia, pa esaki e expertonan ta señala cu por ta debi na un periodo mas corto di infeccion.

Un otro grupo di investigadonan di Noruega a realisa un estudio na unda nan a haya un sintoma clave entre esunnan cu a haya e tres vacuna unda sacamento y desmayo tambe a afecta e pashentnan cu a wordo infecta cu e variante aki, e persona ta sinti su mes cansa cu dolornan den curpa y ta perde apetit.

Pa loke ta trata Aruba, manera un rapport di diabierna di siman pasa a indica tabatin 343 caso nobo di Covid-19 cu a wordo registra, segun datonan ta ilustra tin un averahe semanal di 49 caso positivo pa dia y un tasa di positividad di 58% pa dia.

Ademas, den e comunicado di Departamento di Salud Publico nan a declara cu e cifranan aki ta duna un indicacion cu comunidad mester mehora e aplicacion di e medidanan personal di prevencion ya cu cantidad di esnan infecta pa dia y pa siman ta subiendo.