(CuraçaoChronicle) – Ademas di ser papia, Papiamentu mester ta mas visibel riba plataformanan online. Esaki lo haci e actividadnan online pa residentenan di Reino den Caribe hopi mas facil segun un carta di Secretario di Estado pa Relacionnan di Reino Alexandra van Huffelen na e parlamento Hulandes.
Segun Van Huffelen, mester tin un supuesto ‘language corpus’: Un coleccion di fragmentonan di texto y audio cu pro ser implementa como programa di traduccion riba varios canal di media. E Secretario di Estado ta den dialogo cu companianan di internet grandi pa por haci esaki posibel. Actualmente, Papiamentu no ta suficientemente visibel online, cual ta haci dificil pa e pueblo cu ta papia Papiamentu por trata topiconan online.
E islanan Autonomo di Aruba, Corsou y Sint Maartne ta den dialogo cu Hulanda pa hopi tempo caba pa beneficia di e desafionan cu plataformanan online ta posee. Un colaboracion a ser inicia pa e proposito aki, sinembargo segun Van Huffelen ta sumamente esencial pa Papiamentu ser inclui den e esfuersonan aki. Esaki lo aumenta e conexion entre e islanan cu Hulanda y e personanan cu ta papia Hulandes cu e personanan cu ta papia Papiamentu.
