(NLTimes) – Casi mita di pashentnan di COVID-19 te ainda tin sintomanan manera problema di concentracion y fatiga 3 luna despues di e infeccion, aunke nan a ser vacuna of no.
Personanan vacuna si ta haya nan sentido di holo y smaak mas lihe cu personanan cu no ta vacuna, instituto di salud publico RIVM a haya den su estudio LongCOVID, NOS a reporta.
RIVM a haci un encuesta cu 14,572 persona kendenan tabatin e variante Alpha of Delta di e coronavirus entre mey y december di aña 2021, incluyendo 9,166 persona cu a agrega na e estudio despues di a test positivo.
Un tercer parti di pashent di COVID-19 te ainda ta sufri di fatiga 3 luna despues. 16 porciento ta lucha cu falta di rosea, 15 porciento tin problema di concentracion y 13 porciento tin dificultad den ambiente druk. 12 porciento no te ainda no tin nan sentidonan completamente back.
RIVM tambe tabatin un grupo di control di 5,406 persona cu no a ser infecta cu COVID-19 completa e encuesta 3 luna despues di un test negativo di coronavirus. Un kwart di nan tabatin por lo menos un di e sintomanan cu usualmente ta relaciona cu Long Covid. Sinembargo, e kehonan ta 1.5 biaha mas comun of mas fuerte den ex pashentnan di COVID-19.
RIVM no por bisa con largo nan lo tin e sintomanan aki despues di e infeccion di coronavirus. “Pa e motibo aki nos lo sigui monitor e participantenan pa un periodo mas largo, por lo menos un of dos aña,” Tessa van der Maarden, cabesante di LongCOVID study na RIVM a conta NOS. RIVM tambe eventualmente lo agrega e resultado di personanan cu a ser infecta cu e variante Omircon di e virus.
E no ta cla te ainda con hopi persona na Hulanda ta sufri di Long Covid, tambe yama post-Covid Syndrome. Esaki ta parcialmente pa e definicion ambiguoso di e condicion, cual ta haci cu e ta dificil pa registra.
