Na e momento aki Departamento di Salud Publico (DVG) no tin vacuna disponibel pa e malesa conoci manera influenza (griep). E vacuna aki ta uno cu ta wordo pidi pa hopi persona, specialmente den temporada di fin di aña, cuminsando ya caba for di october.
Segun un comunicado di DVG, e vacuna aki ta hopi importante pa un grupo di persona den nos comunidad, entre otro hende grandi riba 60 aña, mucha bou 2 aña, persona cu malesa cronico y hende muhe na estado. “Lamentablemente Seccion di Malesanan Contagioso tin di informa cu pa motibonan fuera di nos control, e carga di vacuna e aña aki ta retrasa y no a yega Aruba ainda”, e comunicado ta bisa.
E comunicado ta continua bisando cu nan ta pidi disculpa pa cu esaki y alabes informa comunidad cu manera nan tin e vacuna lo avisa esaki den medio nan di comunicacion y tambe lo tin un campaña di vacunacion manera aña pasa mas cerca di comunidad.
