Vacuna di COVID-19 pa muchanan ya caba ta den proceso di distribucion

(AP) – Anticipando e luz berde di e conseheronan di vacuna, e administracion Biden ta asamblando y distribuyendo miyones di dosis di e vacuna contra COVID-19 pa muchanan di edad 5 pa 11 aña, e Cas Blanco a bisa riba dialuna. E prome lo por ser duna na un mucha pa mita di siman.

“Nos no ta wardando pa operacionnan ni logistica,” e coordinador di oronavirus Jeff Zients a declara.

Pa medio di vacuna mucha, Merca ta spera di por evita un otro ola di infeccoin di coronavirus durante e tempo friu cu ta na caminda, unda cu personanan ta pasa mas tempo hunto den proximidad cercano y paden, y malesanan di respiracion por plama hopi mas lihe. Casonan a cuminsa baha den cantidad pa varios siman, pero e virus den varios ocasion ya a demostra habilidad di por regresa, y mutacionnan persistente te ainda ta permanece un menasa.

Riba diamars, un panel di consehero special di e Centers for Disease Control and Prevention lo reuni pa considera e detayenan di e recomendacion pa distribui y duna e vacunanan aki, cual ta di PFizr-BioNTech su dosis pa muchanan mas hoben. E Food and Drug Administration ya caba a duna aprobacion na e vacuna aki, cual ta duna un tercer parti di e vacuna cu ta duna na hobennan y adultonan. Despues cu e conseheronan di Centers for Disease Control and Prevention haci e recomendacion, e agencia su director Rochelle Walensky lo tuma e decision final y duna e ordo pa ehecuta esaki.

Zents a bisa cu e gobierno tin suficiente dosis di e vacuna di PFizer pa tur 28 miyon muchanan na Merca den e grupo aki di edad entre 5 ap 11 por ricibi nan vacuna. “Nos ta den bon caminda pa loke ta trata e producto,” Zients a bisa durante e Cas Blanco su conferencia di prensa tocante coronavirus.

E vacunaion di e muchanan ta premira di cuminsa durante e siman aki y gara velocidad pa siguiente siman. Mayornan lo mester subi un sitio web unda cu nan lo por busca e vacuna pa muchanan di 5 pa 11 aña y haya un localisacion cercano cu ta ofrece e vacuna.

Pfizer su vacuna ya caba a ricibi autorisacion pa uso de muchanan mas grandi, entre edad di 12 pa 17 aña di edad.