Hospital academico di Nijmegen y Utrecht lo experimenta cu e uzo di vacuna contra tuberculosis(BCG) pa trata si protege mayoria di trahadonan di hospital contra coronavirus.
Nos sa cu e vacuna ta stimula e sistema inmunitario y por haci cu trahadonan di salud cu detecta e virus tin sintomanan mas leve, esaki ta locual investigadonan a bisa. E experiment cu a ser aproba pa e comision di testnan di etica medico, ta consisti di duna 500 trahado e vacuna y otro 500 un placebo. Si e vacuna por tin efecto, tur trahado di salud tin un opcion. “ Nos ta memey di un brote, y nos kier e resultadonan mas lihe posible”, Marc Bonten profesor di epidemiologia molecular di UMC Utrecht a bisa.
E investigacion a indica cu e vacuna ta stimula e sistema inmunitario pa combati griep, pero no sa si ta existi un efecto similar cu e conornavirus. “ Esaki ta precisamente e rason di e investigacion aki”, Mihai Netea, profesor di medicina experimental na e centro medico di Radboud a bisa. “Si menos hende den e grupo vacuna bira malo, esaki lo ta un resultado alentador”. Mientras cu nan ta tratando di desaroya un vacuna contra coronavirus, e expertonan a bisa cu esaki lo tuma lunanan si no añanan prome cu un ser identifica y produci.
