Utrecht: Abuso policial contra studiante burachi

Recientemente algun studiante burachi a ocasiona bastante molester riba Paardenveld na Utrecht.

Ora Polis a presenta na e sitio e situacion a bay for di man. Riba media social por a mira imagennan di e incidente. Na restaurant Roost ba Singel cu studiantenan tabata drenta sali. Segun Polis, nan tabata molestia clientenan y susha e bañonan. E doño a bel Polis y na nan yegada, Polis a pidi e studiantenan pa bandona e sitio. Aki ta unda cu nan a nenga di haci esaki y despues di un combersacion di 20 minuut no a keda polis nada mas cu forsa nan sali for di e luga.

Ni asina nan no kier a tende. Pa e motibo aki a baha cu ma duro y detene tres studiante pa buracheria publico. Un Vocero Policial a bisa RTL Nieuws cu e trio a haya un boet na warda pa despues recobra nan libertad.

E studiantenan tabata reuni cu e Asociacion Veritas den parke, pero nan tabata haci uzo dje facilidadnan di  e restaurant segun e doño. Esaki ta posibel, pero nan a bebe asina tanto y bira ferfelo.

A filma e detencionnan y pone esaki online. Por mira con un agente ta tene un studiante na suela. Riba otro imagennan por mira con un otro studiante ta interveni y e tambe keda detene. Hopi hende ta haya e intervencion di Polis bon, pero otronan ta haya esaki exagera.