(NLTimes) – Netherlands Authority for Consumers and Markets (ACM) ta lansando un campaña pa informa usuarionan di internet tocante e peligernan di avisonan online.
Segun e regulador, personanan di mas d i 65 aña di edad no por reconoce ora cu algo ta un aviso riba Google, cual ta causa confusion y cu nan ta core riesgo cu nan lo caba ta haci uso di servicionan of riba sitionan web cu no ta confiabel.
ACM y asociacion di ciudadanonan di edad avansa ANBO a conduci un encuesta conhuntamente, di cual 38 porciento di e participantenan tabata persona di mas di 65 aña, kendenan a bisa cu nan ta haya dificil pa mira e diferencia entre un aviso y resultadonan di e buskeda. Un kwart a bisa cu nan no ta presta atencion na e diferencia.
“Specialmente si bo tin mester di algo lihe, e ta importante pa mira cautelosamente, compara y scoge conscientemente,” Edwin van Houten, director di consumidornan na ACM a expresa. “Esaki ta preveni cu bo ta termina na un partido cu no ta confiabel y consecuentemente ta ricibi gastonan halto.”
“E campaña aki tin e meta di reconoce e avisonan ademas di otro resultadonan di e buskeda,” Van Houten a bisa. E ta tocante presta atencion na e palabra “advertisement” den un resultado.
ANBO ta contento cu e campaña aki, cual lo tuma e forma di videonan riba rednan social. “E ta importante pa personanan di edad avansa por navega internet di un manera sigur. E campaña aki lo yuda nan logra esaki,” director Anneke Sipkens a comenta.
