Uruguay tabata e un pais cu a tuma un posicion disidente durante e di 59 Cumbre di e Mercado Comun di Sur, Mercosur cu a tuma luga Diabierna ultimo. Presidente di e pais, Luis Lacalle Pou a nenga di firma e desolacion comun.

Den nan discursonan, lidernan di Argentina, Brazil y Paraguay a bay de acuerdo pa un yamada di union, apesar di diferencianan durante e encuentro virtual, unda e hefenan di estado tambe a tuma despedida di e Presidente saliente di Chile, Sebastián Piñera kende a haci su ultimo apariencia na e bloke regional. Chile ta un miembro asocial di Mercosur.

Durante e dos cumbrenan previo, Presidente di Brazil, Jair Bolsonaro, Mario Abdo Benítez di Paraguay a para banda di lacalle Pou den su demanda pa Mercosur modifica su reglanan pa asina tur pais por busca acuerdonan comercial bilateral cu otro pais of bloke. E tempo ey, Presidente di Argentina tabata opone e posicion, riba e argumento cu e posibilidad aki ta trece existencia di Mercosur na peliger.

Argentina tambe tabata contra un reduccion di e tarifa comun externo, CET, pero a logra yega na un acuerdo cu Bolsonaro recientemente.

Durante e Cumbre na Maart, Fernández a bisa Lacalle bisa cu si Mercosur ta un peso mucho pisa pa Uruguay, anto e mester sigui un rumbo diferente. Lacalle Pou a nucnia na Juli cu sup ais lo busca acuerdonan comercial unilateral, particularmente cu China, apesar di e reglanan di e bloke contra pasonan asina. Bolsonaro a sostene Uruguay e tempo, pero Presidente di Argentina a bisa cu pa yega na acuerdo ta rekeri votacion  y e mester ta unanime.

Fernández y Lacalle Pou a reuni cu otro na Buenos Aires un luna despues pa kita e tensionnan. E acuerdo final di e cumbre siman pasa unicamente a atende e punto di CET pero no a menciona e peticion di Uruguay pa flexibilisa e reglanan.

Durante e ultimo cumbre, Bolsonaro a entrega e presidencia temporario di Mercosur pa e Presidente di Paraguay, Benítez y a bisa cu e ta lamenta cu no a logra e reduccion di e CET bou su mandanto. “E reduccion lo continua di ta un prioridad,” Bolsonaro a bisa, agregando e promesa cu e recorte di 10 porciento den tarifa riba importacion riba importacion di productonan di Brazil lo ta un excepcion y temporario. E Presidente Brazilero a bisa cu apesar di e pandemia, Mercosur a mantene negociacion habri cu Union Eruopeo, Canada, Singapore y Libanon, mientras cu tin combersacionnan cu Vietnam y paisnan di Centro America y Caribe ta riba agenda.

Abdo Benítez a enfatisa cu e CET lo ta e prioridad di sup residencia, pero cu nan mester ta basa riba preservacion di e maneho comercial comun.

Lacalle Pou  a adverti cu e lo no bolbe na detaya su agenda, pero ta considera cu los di e diferencianan, e tabata bon di mira honestidad di e paisnan miembro. “nos pais no a mira nos tur nos interesnan den e modernisacion di e proceso. Pero nos tin un interes si pa keda den Mercosur y como tal nos ta optimista. Mundo mester di nos productonan.” E declaracion aki a ilustra cu Uruguay no tin intencion di bandona e bloke regional.