ORANJESTAD – Autoridadnan a habri aeropuerto y e camindanan rond di 2.20 atardi bek. Segun ultimo informacion e piloto a haya un vomit bag den baño cu e palabra ‘bom’ skirbi riba dje.
Polis ta entrevistando e pasaheronan. Tambe nan a baha e maletanan y pone nan den un area pafo pa wordo controla cu ayudo di K-9 (cacho). E avion di Southwest tabatin 134 pasahero abordo. Ainda no ta conoci ken ta tras di e menasa di bom.
Pa motibo di e ceramento di aeropuerto Reina Beatrix un gran cantidad di avion no por a baha y a wordo dirigi pa Corsou. Entre otro Jetblue 1057, Southwest 1804, American 1038, United 1040, Delta 484. Otro avionnan a sali cu retraso for di Aruba, manera Aruba Airlines 102, Copa 349 y Jetblue 774,
