E Universidad di Maastricht a paga entre €200,000 y €300,000 na e hackers cibernetico, Volkskrant a informa. Ta pensa cu e universidad a sinti nan mes obliga pa haci un pago pa motibo cu nan back-up system a ser hack cu Clop ransomware hunto cu e sistema principal, segun e matutino.
Prome cu e vakantie di Paso, hackers a drenta nan sistema di computer y solamente a duna e personalnan e clave pa drenta back despues cu na ser paga, segun e website di noticia di e Universidad Observant.
Volkskrant awo a afirma cu e respaldo tabata disponibel den e severnan di e universidad y ta contene detayenan personal di studiantenan y staf di añanan anterior. Segun informe e hackers tambe a block e informacionnan financiero, e sistema di e-mail y e acceso di internet dia 23 di december. Un vocero di e universidad a bisa DutchNews.nl cu e instituto no por confirma ningun elemento di e articulo di Volkskrant.
El a bisa cu e universidad a organisa un simposio pa asina discuti loke a sosode dia 5 di februari y a presenta un resultado di e investigacion tocante e atake cibernetico na e momentonan aki. “ Te cu e momento ey nos no lo comenta riba e speculacionnan den media.” El a bisa. Segun e comunicadonan di prensa anterior e universidad a desconecta otro sistema, a denuncia e atake na polis y a establece un linea di ayudo, awo nan a instala e software di proteccion Carbon Black.
