European Union foreign policy chief Josep Borrell arrives for a meeting of EU foreign ministers at the European Council building in Brussels, Monday, March 18, 2024. European Union foreign ministers on monday will discuss Russia's aggression against Ukraine, Belarus, and the situation in the Middle East. (AP Photo/Virginia Mayo)

(AP)—Union Europeo ta continua su plan pa usa e ganashinan general for di biyones di euro di activonan para di Ruso den Europa pa yuda provee arma y otro fondo pa Ucrania, un oficial a bisa diamars.

Hefe di politica den exterior pa UE Josep Borrell a haya aprobacion pa e plan for di mayoria ministernan di e bloque e siman aki, y e ta spera cu lidernan di UE lo promove esaki na un cumbre na Bruselas cuminsando diahuebs. E movida aki ta bin como cu Ucrania su municion ta cabando, y esfuersonan di Merca pa haya fondonan nobo pa arma a keda para den Congreso.

E 27 nacion di UE ta tene rond di 200 miyon euro den activonan di banco central Ruso, mayoria di nan para na Bruselas, como represalia pa e guera di Moscu contra Ucrania. E bloque ta calcula cu e interes riba e placa ey por provee rond di 3 biyon euro cada aña.

“E Rusonan no lo ta hopi contento. E cantidad di placa, 3 biyon pa aña, no ta extraordinario, pero e no ta despreciable tampoco,” Borrell a conta reporteronan. Un grupo chikito di paisnan miembro, notablemente Hungria, ta nenga di suministra arma pa Ucrania, pues e ganashinan aki lo ser dividi. Rond di 90% di e placa lo ser aloca den un fondo special cu hopi paisnan den UE a usa caba pa haya reembolso pa arma y municion cu nan manda. E otro 10% lo ser aloca den e presupuesto di UE pa yuda fortalece e defensa di Ucrania. Paisnan cu ta en contra di manda arma por claim despues cu nan no ta armando e pais, Borrell a bisa.

No por usa e presupuesto pa cumpra arma, bao interpretacion actual di e tratonan di e bloque, pero e fondo speical—conoci como e European Peace Facility—no ta ser conta den e presupuesto y no mester respeta e mesun standard legal of ser aproba pa e parlamento Europeo.

E banco central europeo, of ECB, a adverti den pasado contra e confiscacion di activonan Ruso como cu esaki por socava confiansa den e moneda di euro y mercadonan UE. Pero Borrell a bisa cu no a tuma ningun activo, solamente e ganashi di interes cu e ta traha. El a agrega cu ECB a ser consulta riba e plan.

Algun lidernan di UE, incluyendo prome minister Belga Alexander de Croo, a bisa cu nan kier usa e ganashinan ey pa funda e reconstruccion di Ucrania, pero Borrell a bisa cu e ta kere cu “e miho cos pa preveni ta cu cualkier cos ser destrui” na prome luga.