(NTN24) – Halto Comisionado di Nacionnan Uni pa Refugiado (UNHCR) diaranson ultimo a publica su rapport anual tocante Tendencia Global di Desplasamento Forsa na 2022 cu varios dato clave, na nivel mundial, tocante refugiadonan, solicitud di asilo y desplasamento.
Den esaki, UNHCR a menciona cu pa fin di 2022, casi cuatro di cada cinco persona desplasa internamente di manera protegi of asisti pa e organisacion aki tabata permanece desplasa den solo 10 pais na henter mundo.
“Siria y Colombia ta sigui reporta e cantidad mayor di personanan desplasa den nan mesun pais cu 6.8 miyon y 6.7 miyon respectivamente, cifranan cu ta coincidi cu esun di fin di aña anterior,” a bisa.
Esaki ta nifica cu pa fin di 2022, un di cada tres persona Sirio cu tabata permanece na su pais ta ainda nan tabata den situacion di desplasamento interno, despues di mas di un decada di conflicto.
“Na Ucrania, e cantidad di personanan cu tabata permanece desplasa internamente na fin di 2022 tabata di 5.9 miyon, un aumento shete biaha superior pa loke ta trata cifranan di fin di 2021, despues di e invasion na gran scala na e pais ey a tuma luga na februari 2022,” UNHCR a splica.
Tambe a señala cu “na Colombia, Georgia y Ucrania, infancia tabata representa entre 21% y 28% di e personanan desplasa internamente den cada pais.”
Den rapport tambe ta describi cu e cifra di refugiadonan na mundo (te maart 2023) ta alcansa un record di 110 miyon persona. Venezuela cu 5.5 miyon, ta e pais principal di origen di desplasado den region Latino Americano.
Colombia, cu 2.5 miyon ta e pais receptor principal di refugiado den region y e di tres despues di Turkia y Iran na nivel mundial. Tambe Colombia a ocupa e di shete luga entre e paisnan solicitante di asilo cu 90.500 caso.
