WILLEMSTAD – E investigacion di Refugees International a haci varios recomendacionnan pa mehora e polisa di refugiadonan.
E recomendacionnan no solamente ta dirigi pa gobierno, sino tambe pa Ombudsman, gobierno Hulandes y e gobierno Mericano.
Mirando e situacion na Venezuela, Corsou mester stop inmediatamente cu deportacion di Venezolanonan, segun un di e recomendacionnan di Refugees International na e gobierno do Corsou. E organisacion internacional di refugiadonan tambe ta kere cu e migrantenan Venezolano na Corsou mester ser otorga un permiso di residencia temporal cu ta permiti nan acceso na e mercado laboral, educacion y e atencion medico.
Tambe mester establece un sistema di asilo, cu ta permiti e personanan cu ta busca proteccion internacional por solicita asilo na cualkier momento y sin importa con na a yega na e pais.
E personanan cu a ricibi asilo tambe mester tene acceso na e mercado laboral, atencion medico y educacion, segun Refugees International.
