(AP) – E ta bisti di preto completamente y un mascara blanco, ta papia den un bos electronicamente cambia y ta haci horor su modo di arte principal.
Uketsu, ken su nomber ta traduci na “rain hole,” ambos palabranan cu e stima, ta Hapon su famoso di YouTube mas recien y escritor di misterio. Y e ta na caminda pa subi escenario global.
Su talento den pone hende sinti “inconfortabel” ta e motibo tras di su exito, el a conta reporteronan na Tokyo diahuebs.
Su buki debut, “Strange Pictures”, lo keda lansa den 30 nacion incluyendo den Ingles na Merca. El a bende 1.5 miyon copia caba globalmente segun e compania cu ta maneha esaki.
Uketsu su manera di conta storia ta combina imagennan y diagramnan cu texto pa atrae e lectornan y hiba nan den un puzzle hororoso cu nan ta mira gradualmente resolve, pida pa pida. E imagennan tin e funcion di ta un pista di un misterio pa descubri eventonan macabro.
Esaki probablemente ta loke a yuda Uketso resona cu e generacion mas hoben, mas custuma cu e bukinan conoci como manga, video game y rednan social compara cu literatura. Algun muchanan te hasta a disfrasa di Uketsu pa Halloween ana pasa.
Uketsu ta credita e escritor di misterio Hapones Ranpo Edogawa como su inspiracion, y a bisa cu e solamente kier haci su trabao accesibel, hasta pa hendenan cu no gusta lesa. El a haci uso di su presencia online pa atrae un audiencia. Uketsu tin 1.7 miyon suscriptor riba su canal di YouTube, atrayendo mas di 190 miyon bista.
Su prome hit riba YouTube, “The Strange House,” ta tocante un cas cu tin un arkitectura strano, incluyendo un camber cu ta similar na un prizon. El a bira un pelicula aña pasa, generando mas di 32 miyon dollar na cinema den Hapon. “Mi storianan ta djis hopi aterador,” Uketsu a comenta, cu un tono modesto y serio apesar di su apariencia poco comun.
E ta comparti cu e ta un persona regular tras di e mascara. Si e kita esaki, ningun hende lo reconoce. Pero el a admiti cu agrega su imagen na e bukinan ta yuda bende copia, aunke e a evita si di descarta esaki como un triki pa publicidad.
Uketsu actualmente ta trahando riba su proximo buki segun Takuji Watanabe, vice director di Futabasha Publishers, cual ta publica Uketsu su bukinan.
Watanabe no lo revela con hopi placa Uketsu a genera pero a hura cu e ta “un celebridad di horor Hapones cu ta aparece un solo biaha cada siglo.”
