Un tercera parte di doñonan di negoshi chikito ta considerando cera nan negoshi

(NLTimes) – Casi un tercera parti (31%) di doñonan di negoshi chikito y personanan cu ta traha pa nan mes ta considerando pa cera of bende nan negoshi. Empresarionan cu personal ta preocupa principalmente pa gastonan halto di inversion den futuro. Personanan cu ta traha pa nan mes sin personal tin miedo di regulacionnan mas estricto, specialmente rond di trabou independiente falso, e Financieele Dagblad ta informa for di e Small Business Index di Hogeschool Utrecht, Qredits, y Ondermend Nederland.

Di acuerdo cu e investigadonan, un cantidad “teriblemente grandi” di doñonan di SME de bes en cuando, hopi biaha, of constantemente a considera di rindi y cera nan negoshi den e ultimo aña. Finalmente, solamente 4.4% di negoshinan chikito ta anticipa di cera di berdad den e proximo seis lunanan.

Un tercera parti di doñonan di negoshi chikito ta bisa cu nan lo busca un trabou si nan mester cera nan negoshi. Solamente un di cinco parti lo a lanta un compania nobo.

E mercado laboral estrecho ta hunga un rol grandi den esey, docente Lex van Teeffelen di Hogeschool Utrecht a bisa FD. Di un banda, negoshinan chikito ta luchando pa haya trahado. Di otro banda, doñonan di negoshi tin un bon chens di haya un bon trabou. “Pa mas o menos mita di e empresarionan chikito, e ta un lucha ainda. Tin biaha e personal ta gana mas cu e empresario mes a sobra, por ehempel den e industria di horeca y benta. Den e caso ey, un trabao cu seguridad y un bon salario ta atractivo.”

Personanan cu ta traha pa nan mes sin empleado ta preocupa pa regulacionnan mas estricto rond di trabou independiente falso otro aña. Algun di nan ta considerando un contract laboral. “Sin duda nos lo mira un bahada den e cantidad di hende cu ta traha pa nan mes,” Van Teeffelen a bisa.

Cifranan di Camara di Comercio ta mustra cu e cantidad di empresarionan cu ta cera nan negoshi a aumenta rapidamente for di comienso di e aña aki. Den e di tres kwartaal, mas cu 34 mil negoshi a cera, cual ta un aumento di 15% compara cu un aña anterior. Na mesun momento, e cantidad di companianan chikito cu ta lanta a bin ta bahando pa hopi tempo caba.