(Infobae) – Un temblor fuerte di magnitud 6.0 na escala Richter a sacudi diamars ultimo e costa central di Peru, incluyendo su capital Lima, sin reporta dañonan persona ni material, según Instituto Geofisico di Peru a informa.
E temblor a wordo registra casi 10or di anochi y su epicentro a localisa na 33 kilometer di Ocean Pacifico.
E movemento a wordo origina na un profundidad di 32 kilometer di e superficie marino, loke na Mala, e poblacion mas cercano na epicentro, a ser sinti cu un intensidad fuerte, di 5 grado na scala di Mercalli. Den un prome momento a reporta cu e temblor tabata di un magnitud di 5.8, pero despues IGP a coregi esey.
Den e evento no a wordo genera ningun alerta di tsunami na e litoral Peruano, segun Direccion di Hidrografia y Navegacion di Marina di Guerra di Peru a precisa.
Den caso di e temblor, autoridadnan local di Instituto Nacional di Defensa Civil (Indeci) a recomenda pa actua cu calma y tin identifica e zona sigur paden y pafo di e cas, pa asina evita dañonan personal cu lo por lamenta. Ambos, ta sugeri pa tin un tas di emergencia cu hermentnan, radio portatil y alimento basico cu bleki.
Hopi limeño a Sali riba caya pa via di e fuerte temblor, tambe por a mira periodistanan, mientras cu e servicio di Hidrografia a informa cu no tabatin un riesgo di tsunami. “Tabata fuerte, el a sacudi henter e cas, nos tin cu a Sali riba caya”, Juli Lazaro Rodriguez di 60 aña a bisa.
Cada aña por lo menos un centenar di temblor perceptibel ta sacudi e poblacion, e ta ubica na e area denomina Cinturon di Fuego di e Pacifico, un zona di amplio actividad sismico cu ta extende te costa di e continente Mericano y na unda ta registra aproximadamente 85% di e actividad sismico mundial.
