Probablemente e ta protege ambos. Estudionan riba e novel coronavirus y otro malesanan ta demostra cu bisti un tapaboca ta yuda preveni hende infecta di transmiti e malesa na otronan.
Evidencia tambe ta sugeri cu tapaboca por ofrece algun proteccion pa esun cu ta bistie.
E virus ta plama a traves di ‘droplet’, druppelnan chikito cu hende ta spray na momento di tosa, nister of papia. Tanto tapaboca di tela of quirurgico por blokea mayoria di e particulanan ey for di plama.
Mientras mayoria di droplet toch por plama, bisti un tapaboca ta reduci e cantidad, proveyendo un beneficio na otronan. Investigacion ta mustra cu hende no ta bira mesun malo ora ta expuesto na cantidad mas chikito di e virus, segun Dr. Monica Gandhi, un experto di virus na Universidad di California, San Francisco.
Y tapaboca por protege e hende cu ta bistie door di reduci e cantidad di droplet di otro hendenan cu por a haci contacto cu nan.
Den dos planta di procesamento di cuminda na Merca, unda a rekeri pa bisti tapaboca y a presenta un cluster di infeccion, Gandhi a nota cu mayoria di trahadonan cu a desaroya Covid-19 tabatin un malesa leve of asintomatico.
Investigacion riba otro coronavirus tambe a haya un tasa di infeccion abao entre hende cu frecuentemente a bisti tapaboca den publico.
Expertonan ta bisa cu tapaboca ta particularmente importante cu e novel coronavirus, pasobra persona infecta por ta contagioso hasta si no ta presenta sintoma.
