E ‘blob’ colorido aki den espacio tin un historia fascinante. E ta e restonan di un supernova, e pidanan laga atras despues di e morto explosivo di un strea. Nos por mir’e danki na e observatorio Chandra X-Ray di NASA, cu por detecta emision di X-ray cual ta invisibel pa wowo humano.
Tycho ta haya su nomber for di astronomo Danes, Tycho Brahe, kende a nota su briyo den shelo di anochi na 1562. NASA a revela e bista di e restonan diabierna, y a describi esaki como ‘clumpy and lumpy’.
E morto tabata espectacular. “E supernova aki en particular tabata un Tipo Ia, cual ta tuma luga ora un strea enano blanco ta hala material, of ta uni cu un strea compania, te ora cu esaki causa un explosion violento”, e team Chandra a bisa den un declaracion.
Astronomonan ta curioso tocante e ‘clumpy’ di Tycho, y si e formanan aki a ser crea durante e explosion of a nace despues. Cientificonan a efectua un simulacion di computer cu ta sugeri cu e pidanan a yega despues di e explosion.
“Mientras cientificonan no ta sigur con, un posibilidad ta cu e explosion di e strea tabatin varios punto di inicio, manera pida di dinamita cual a cende simultaneamente den diferente parti”, e team a bisa.
