(CuraçaoChronicle) – Refineria di Corsou (RdK) y e candidato pa e takeover, CORC, recientemente a firma e propuesta di titulo pa e transferencia di e refineria y e instalacionnan na Bullen Bay. “Awo nos mester warda pa e negociacionnan entre gobierno y CORC prome cu por completa e proceso”, segun un representante di RdK.
RdK y Curacao Oil Refinery Company (CORC) a prepara acuerdonan riba mantencion di e instalacionnan, huur of lease y e produccion minimo di crudo. Si e hunta supervisor di RdK y gobierno (como accionista) duna aprobacion, e acuerdo final pa tuma e refineria over por bay na notario.
Ademas di e negociacionnan entre RdK y CORC – cu awo ta casi completo – gobierno ainda ta negociando cu CORC. Ainda mester negocia riba un cantidad di topico importante, manera labor, beneficio di impuesto y permisonan (ambiental). Solamente ora tur e asuntonan aki keda completa lo tin un luz berde pa adkisicion di e refineria.
Dos siman atras, director di RdK a indica cu e tabatin tur cos cla prome cu dia 20 di juni. E dia ey ta un fecha importante; riba e dia aki e contractnan laboral cu e empleadonan actual di e refineria ta caduca. RdK ainda ta duna empleo na 550 persona di e refineria.
