Na sugerencia si subsecretario Raymon Knops di Interior y Relacionnan di Reino, e gabinete Hulandes ta asigna 15,2 miyon di euro adicionalnan pa e programa di yuda alimentario den Aruba, Corsou y St. Maarten. E residentenan di e 3 islanan a ser enfrenta na e gran desafionan desde e pandemia di covid-19 y e consiguiente perdida di turismo. E problema di e pobreza a aumenta considerablemente den e islanan.
E subsecretario Knops : “E gabinete semper a ser basa den e principio cu Hulanda no mester laga e personanan mas vulnerabel den e frio. Durante mi ultimo bista di trabou, mi a experimenta con grave e situacion ta den algun luganan di nos Reino. E ta importante cu e programa di ayudo alimentario continua den e proximo periodo”.
Desde mei 2020, e gabinete Hulandes a pone a disposicion fondonan pa yuda alimentario den Aruba, Corsou y St.Maarten. Actualmente, un total di un 80.000 personanan ta ricibi ayudo alimentario danki na Reino.
Cruz cora ta coordina e programa di ayudo alimentario. Pero tin un transicion na un forma mas structural di e programa, bou di e responsabilidad di e 3 paisnan. Cu e recursonan aki, e ayudo alimentario ta garantisa te cu 1 di juli di 2021.
