BANGLADESH – Un vuelo cu a sali for di e capital di Bangladesh, Dhaka bayendo rumbo pa Dubai a haci un aterisahe di emergencia diadomingo na e aeropuerto di Chittagong, Bangladesh, despues di cu un homber a intenta secuestra e avion, asina polis a informa.
Oficial aereo, Mofidur Rahman, di e forsa aereo di Bangladesh, a bisa cu no tin victima di e incidente di e vuelo estatal, linea aereo Biman Bangladesh, den un conferencia di prensa trasmiti den bibo diadomingo anochi.
El a bisa cu un sospechoso, un homber di Bangladesh, a wordo aresta y tabata siendo interoga. Rahman a describi e persona aki manera un ‘terorista’. Rezaul Karim, kende ta un funcionario di e oficina di asuntonan publico di servicio militar di Bangladesh, a bisa AP cu e sospechoso a resulta herida ora cu comando militar a habri tiro contra e persona. No ta cla ainda unda e tiramento a tuma luga.
Por a mira for di en bibo e soldaat di Bangladesh tumando posicion paden di Shah Amanat Aeropuerto Internacional di Chittatong, 252 km di Dhaka. Rahman a nenga di provee mas detaye di incidente, pero a bisa cu tur e 143 pasahero y 7 miembro di avion ta evacua y salvo di peliger.
E vuelo a sali for di Dhaka 4:35pm bayendo Dubai via Chittatong. E piloto a haci a aterisahe di emergencia 40 minuut despues, ora cu un di miembro di tripulacion a raporta un ‘comportamento sospechoso’ di e homber. “Situacion a keda bou control”, asina Nur Islam, vocero di forsa aereo di Bangladesh a bisa AP.
