(AP) – Un representante di estado di Brooklyn a ser acusa den un demanda di a viola un muhe den comienso di su carera legislativo ora cu el a bay e muhe en cuestion su cas pa trata esfuersonan di alivio di desaster pa Haiti.
E demanda, otorga diabierna, ta acusa Senador Kevin Parker di a asalta e hende muhe aki den aña 2004, durante su prome termino. E muhe a bisa cu e tabata trahando cu Parker pa coordina e entrega di articulonan y donacionnan na Haiti despues di un inundacion debastador cu a afecta e pais y otro islanan den Caribe alrededor.
E demanda a ser otorga bao e Adult Survivors Act, un ley di estado special cu a crea un suspension pa un aña di e limite di tempo usual pa por demanda. E ley aki lo caduca despues di Dia di Accion di Gracia binidero.
Vocero di Parker, un Democrata, no a comenta inmediatamente ora cu a puntra tocante e demanda. Vocero di e Senado su Democrata top, Andrea Stweart-Cousins, a bisa cu “e acusacionnan ta sumamente alarmante y nos ta tuma nan hopi na serio. Nos lo tuma accion apropia mientras nos ta haya mas informacion,” e vocero Mike Murphy a informa.
E muhe a bisa den e demanda cu e asalto a tuma luga despues cu Parker a bay su cas pa busca potretnan di un bishita cu el a haci na haiti. Parker ta representa parti di Brooklyn cu un comunidad Haitiano y Caribense bastante grandi. Despues cu nan a papia tocante su trabao, e muhe a lanta para pa dispidi ora cu Parker a gara su pols, a hiba e muhe den su camber, a haci un comentario sexual y a viola su persona.
Den aña 2005, Parker a ser aresta y acusa formalmente cu asalto di tercer grado despues di a dal un agente di trafico un mokete a causa di un boet segun reportahenan di noticia di e tempo aki. Den e mesun aña, un ex ayudante a acusa Parker di a menasa su persona despues cu el a keha publicamente cu Parker a pusha su persona y a dal e ora cu e tabata traha pa e Senador.
Gobierno di estado di New York tin añanan caba ta lidia cu acusacionnan tocante mal comportamento y acoso di parti di politiconan.
