E refineria ‘Lago’ tabata tin un impacto grandi riba e comunidad di Aruba cu nos ta wak awe ainda. Mayoria biaha e memorianan di e refineria y su hospital ta wordo discuti cu gran placer. Hopi localnan cu a traha na e refineria aki a gosa di e privilegionan cu esaki a trece c’une, manera entre otro e comisario, e shopping center, e Colony, sportpark y tambe e hospital.
Durante e periodo cu e refineria ‘Lago’ tabata na Aruba tabata tin asta hopi hende di afo cu a bin biba na Aruba. Miles di famianan tambe tabata uza e hospital den e temporada aki como nan hospital preferi. Den e documental aki, nos ta recorda e hospital di ‘Lago’ y nos ta laga diferente persona conta nan experencia. Algun di e personanan aki a nace na e hospital aki y par a hasta traha na e hospital aki. Como un di e prome hospitalnan acredita na Aruba, E ‘Lago’ hospital a hunga un rol grandi den nos comunidad. E documental aki ta traha dor di LIROCHA Media y a wordo haci posibel cu ayudo di ‘Prins Bernhard Cultuurfonds Caribisch Gebied’ y por wordo mira GRATIS riba e link kinan.
