Segun resumen semanal di Departamento di Salubridad Publico, DVG, relaciona cu desaroyonan di pandemia di Covid-19 na Aruba, den ultimo siman a registra un morto mas vincula na e virus SARS-CoV-2.
Cu esaki, e cantidad total di fayecido relaciona cu Covid-19 desde inicio di e pandemia a aumenta na 212.
Ademas, DVG a reporta cu segun e resumen semanal publica den weekend, 44 persona a recupera ultimo siman, mientras cu a registra 48 caso nobo di Covid019. Esaki ta casi 10 caso averahe pa dia (5 dia).
E cantidad di casonan activo di Covid-19 tabata 58.
Datonan di DVG ta ilustra casonan nobo di Covid-19 cu un averahe semanal di 9 caso pa dia y un averahe di tasa di positividad semanal di 23 porciento pa dia.
Pa loke ta hospitalisacion, DVG a informa cu actualmente na Aruba tin cuatro persona interna cu of debi na Covid. Di esakinan, un persona ta den Unidad di Cuido Intensivo (ICU) y tres ta riba piso general. Ademas, actualmente na Colombia tin cinco pashent di Aruba den ICU, y ningun riba piso general.
