Segun informacion di Ministerio Publico, awe den oranan di mainta un otro detencion a tuma luga pa loke ta trata e caso penal conoci como ‘Avestruz’ na unda un persona cu inicial ‘F’ segun loke Ministerio Publico a señala tambe ta un presunto sospechoso den e caso aki.
Manera a keda conoci diadomingo den oranan di anochi, miembronan di Lands Recherche y Recherche Samewerkings a detene un otro sospechoso di inicialnan R.R ora e persona aki tabata purba di sali for di Aruba desde aeropuerto Reina Beatrix.
Den e caso aki den cual e sospechoso principal ta trata di ex-minister y parlamentario Benny Sevinger di partido AVP a cuminsa for di aña 2019 na unda a wordo haci entrada hudicial na diferente luga den cuadro di un investigacion penal di Lands Recherche pa supuesto delitonan di corupcion y otro hechonan castigabel pa ley cu tin relacion cu otorgamento di tereno.
