Un tiramento riba Van Limburg Stirumplein na Amsterdam a laga un persona morto y otro herida diadomingo anochi. A aresta dos sospechoso, pero polis ainda ta buscando e tirador, segun polis di Amsterdam a bisa den un declaracion.
E tiramento a tuma luga alrededor di 8pm riba e skina di Van der Hoopstraat y Van Limburg Stirumplein. Esnan prome na e escena a haya dos homber cu lesion di bala. Intentonan pa resucita un di nan no a duna resultado. E homber, di 29 aña di edad, a fayece na e escena. Un homber di 35 aña di edad a keda transporta pa hospital y ta den condicion stabiel, polis a bisa.
Polis ta kere cu e tiramento tabata resultado di un argumento. E homber lesiona y otro homber a wordo aresta bao sospecha di ta involucra den e tiramento. Ta investigando nan rol den e suceso.
Polis ta kere cu e tirador ainda ta liber y ta haciendo un yamado pa testigo of cualkier persona cu imagen di dashcam of camara di vigilancia relevante bin dilanti.
