Ayera, den su resumen diario di e cifranan relaciona cu pandemia di Covid-19 na Aruba, Departamento di Salubridad Publico DVG a comparti e lamentabel noticia cu Aruba a conoce otro morto pa e malesa.
Segun resumen di DVG, cu e morto aki e cantidad total di fayecido relaciona cu Covid-19 na Aruba ta aumenta na 105.
Ademas, DVG a informa cu ayera tabatin 10 persona cu a recupera, mientras cu a registra apenas tres caso nobo di Covid-19, di cual un no ta residente. Cu esaki, e cantidad di caso activo ayera a keda na 80.
E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 633 test. Cu esaki, e tasa di positividad (‘ositivity rate’) entre nos residentenan ta 5%, loke ta cay den e cifra cu Organisacion Mundial di Salud (WHO) ta bisa ta indica cu e pandemia ta bao control.
Hospital ta informa cu tin un total di 16 persona interna di cual 7 ta den Cuido Intensivo y 9 riba unidad general di covid.
