(NLTimes)—Un modelo di calculacion nobo desaroya pa e Alzheimer Center Amsterdam ta permiti dokternan miho pronostico con lihe e capacidad cognitivo pashentnan cu Alzheimer’s lo deteriora. E modelo ta usa data for di casi 1,000 pashent y ta inclui factornan manera un scan di celebro, genero y edad.
“Cu e diagnosis di Alzheimer’s, bo sa un cos sigur y esey ta cu e capacidad pa pensa di hende lo deteriora. Pero con lihe esaki ta pasa ta varia significantemente pa persona,” segun director cientifico Wiesje van der Flier di e Alzheimer Center Amsterdam a conta NOS. “Y esey ta exactamente kico kier sa prome: kico nan por anticipa for di e curso di e malesa.”
E modelo ta yuda dokternan na Amsterdam UMC duna pashent un miho bista den nan futuro. “Nos a usa un test simple cu a ser administra varios biaha durante e añanan na e un grupo di pashent. Nos a compara esaki cu loke nos sa caba na tempo di diagnosis. Cu e data aki, nos por haci un pronosticacion pa pashentnan nobo tocante e deterioracion di nan mente.”
Van der Flier a subraya cu esaki ainda ta solamente un pronostico, y nada ta cierto. “E ta ainda djis un bista den futuro, pues e ta keda un pronostico cu inciertud,” el a bisa. “Pero a pesar di esey, hende kier e informacion. Splica e inciertud pa mi, pashentnan sa bisa.” El a continua: “E modelo ta un punto di comienso pa un bon combersacion entre dokter y pashent tocante e malesa. Kico nos sa, y kico ta e inciertud? E ta un modelo di calculacion pa duna e dokter sosten.”
