(NLTimes) – E inspectorado di crimen financiero FIOD a confisca un miyon test falso di coronavirus a keda confisca den un warehouse na Nijmegen riba diasabra. Autoridadnan di aduana a ricibi informacion cu un cargamento di kit pa self-test falso ta ser warda den un warehouse y a yama FIOD pa brinda asistencia pa cu esaki.
Mientras e testnan posiblemente ta funcional, nan a ser traha cu un replica y e uso sin autorisacion di e marcanan cu ta crea e self-test kitnan aki en realidad. E ta ilegal na Hulanda pa crea of fabrica productonan falso of trafica esaki. Mirando cu e self-testnan aki no tabata original y automaticamente ta falso, tabatin suficiente motibo pa FIOD a confisca e cargamento. E tabata den proceso pa destrui riba diasabra y ya a keda destrui completamente.
E testnan di coronavirus falso a ser haci na China y tabatin rumbo na e mercado Aleman. E cargamento a ser manda for di China na Schiphol Airport y Maastricht Aachen Airport.
Un investigacion criminal dentro di e cargamentonan aki ta ser lidera pa e division di Ministerio Publico (OM) cu ta lidia cu e casonan compleho of di fraude.
