Minister Tobias Ellwood ta wordo yama un heroe despues cu e politico – tur cubri na sanger – a wordo mira ta purba reanima un agente policial herida cu tabata muriendo durante e atake na London.
E minister, kende tabata un oficial di militar na Britania, a purba di scapa bida di e homber cu a muri tragicamente despues di a wordo hinca pafo di e parlamento, segun reportahe di The Sun. E mandatario a wordo mira cu sanger na su cara y paña mientras cu e tabata purbando di yuda te ora paramediconan a presenta. E ex militar tin experiencia cu terorismo – el a perde su ruman Jonathan, un docente, den e atake na Bali den 2002, cual a mata 202 hende incluyendo 88 Australiano y 27 Britanico.
Akinan por mira algun imagen di video
