Un homber di 65 aña tabata mirando The Conjuring 2 cu un amigo den cinema na Tiruvannamalai, un ciudad den e estado di India na Tamil Nadu, diahuebs anochi. Segun Times Of India , polis ta bisa cu ora e pelicula a yega na e pida nan di mas espantoso, e homber a cuminsa haña dolor den su pecho y a desmaya. El a wordo transporta pa hospital pero e la fayece prome cu yega eynan.
Aworaki locual ta mas straño ainda, ta e echo cu e difunto su curpa a desparece. Staff di hospital a puntra e homber su amigo pa hiba e curpa na un Medical College pa un post -mortem, pero desde esey e la desparece cu e curpa.
E causa di morto ta desconoci ainda, pero hopi hende cu ta kere den actividad paranormal ta pensa e tin di haber cu e pelicula.
Por lesa mas aki: NEWS.AU.
