Dia 25 di november di 2014, den un cas a ser asesina y kima Veronica Menacho Chilo, di 22 aña. E suceso aki a bira un noticia cu a conmove tur ciudadano di Bolivia.
Na luna di mei 2015, polis a detene e supuesto responsabel, Reynaldo Ramirez Vale, cu a ser deteni y hiba pa prizon di Palmasola, pa sinta su condena di 30 aña, acusa di feminicidio. Reynaldo a keda deteni sin derecho di un indulto, pasobra hues a dicidi cu tur prueba tabata mustra directamente riba Reynaldo. Fiscal Marcelo Delgadillo a dirigi e caso aki y un husgado a condena Reynaldo Ramirez, cu a bay prizon cu lagrima na su wowonan, mientras cu e tabata defende su mes como inocente. Poco dia pasa comunidad di Bolivia a haya sa, di banda di un ekipo di experto di polis, cu ta lidera pa capitan Cristian Sánchez, cu autoridad a condena pa kibocacion Reynaldo Ramirez na 30 aña. E ekipo a presenta dos informe, prome cu hues a condena Ramirez, pero ministerio publico no a balora nan prueba y informenan. “Nos a bati un alerta dos biaha pa fiscal di e caso ey, pero e no a balora e informacion aki. Nos a presenta esaki prome cu hues a dicta e condena. E ultimo biaha a sucede na aña 2015,” Sanchez a splica. Reynaldo Ramirez a sinta dos aña solamente pasobra e ta parce e asesino, cu a resulta di ta Moisés Bascopé Zambrana.
