E maximo funcionario di derecho humano di estado di Baja California Sur, na noreste di Mexico, a ser asesina cu arma di candela, fiscalia a informa.
Silvestre de la Toba, presidente di Comision Estatal di Derecho Humano a ser ataca dialuna cu a pasa, ora cu e tabata biaha den su auto hunto cu su famia, un comunicado di autoridad local a informa.
E auto Ford modelo Explorer a ser intercepta pa un grupo di homber arma, cu a tira desde un auto cu un fusil di asalto, y cu a mata De la Toba y un di su yiunan inmediatamente. Su casa y su yiu mayor a keda herida hopi grave, y nan a ser hiba pa un hospital, autoridad a informa.
Comision Nacional di Derecho Humano di Mexico a condena e atentado y nan a solicita autoridadnan pa investiga y haya sa e paradero di e suhetonan cu a asesina e representante di derecho humano, pa asina por presenta nan dilanti di e instancia corespondiente y evita cu e crimen lo por keda impune,” e comunicado a duna di conoce. E atake a tuma lugar riba un caretera, cerca di un casino y un parada di bus, caminda testigonan a splica cu nan a tende hopi tiro.
