(EFE) – Frente Comunero del Sur di guerrilla Ehercito di Liberacion Nacional (ELN) diamars ultimo a manifesta cu ta cla pa apoya e eliminacion di minanan ubica na varios zona di Colombia, pa lo cual Gobierno a anuncia e creacion di un “ekipo operativo” cu lo permiti un operacion conhunto.

“Frente Comunero di Sur ta cla pa inicia e proceso humanitario di elimina e minanan den areanan di operacion como un accion concreto di paz teritorial,” e grupo aki a expresa y tambe a agrega “nan boluntad,” compromiso y participacion den e construccion di paz for di teritorionan na departamento di Nariño,” frontera cu Ecuador.

Alto comisionado di paz, Otty Patiño, a destaca cu “e union di e Frente aki na proceso di transformacion teritorial den regionnan ta un acto “hopi importante y cu ta faborece paz.”

“E disposicion di e grupo aki pa adelanta eliminacion di minanan humanitario ta facilita cierto inversionnan, na fabor di comunidadnan den region habriendo e porta pa paz, desaroyo y accion contra minanan antipersonal, un delito cu ta persigui esnan mas vulnerable den nos pais.”

Pa e motibo aki, comisionado a sigura cu ekipo operativo pa elimina e minanan lidera pa e mes y cu ta habri espacio “pa instancianan di Gobierno ta rekeri pa aborda retonan institucional cu ta plantia den desaroyo di e obhetivo aki.”

Luna pasa, ELN a anuncia cu dialogonan di paz cu Gobierno Colombiano tabata den “crisis” y cu a keda paralisa debi cu e contra parti a comete “accionnan di violacion na loke a acorda na Mesa di Conversacion” cu ta tumando luga for di 15 luna caba.

Esaki, segun ELN pa motibo cu “Gobierno Colombiano, a traves di comisionado di paz, Forsa Arma y Polis ta adelantando accionnan cu ta viola loke a acorda” y a menciona dialogonan regional na Nariño cu Frente Comunero di Sur.

Sinembargo, dianan despues e partinan a sinta na mesa na Cuba y a anuncia cu lo tuma e dialogo back, na tempo cu a confirma cu e ciclo 7 ta bay ta for di dia 8 te cu 22 di april.

A pesar di esaki, comandante di ELN, alias “Antonio Garcia”, a sigura cu diasabra ultimo “e famoso dialogonan regional ta un supuesto structura di ELN na Nariño” ta un show mediatico.

“Awe a haya sa cu e supuesto guerrillero di Comunero di Sur cu ken Gobierno kier monta un show mediatico, ta protegi pa unidad di Unipep (Unidad Policial pa Edifica Paz), segun Garcia a bisa na rednan social.

Di su parti, e delegacion negociado di paz di Gobierno cu ELN diamars ultimo a sigura cu “ta bonbini e apoyo y programanan di elimina minanan cu Frente Comunero di Sur a anuncia.”