Tres persona a muri diadomingo atardi, den un tiroteo cu a tuma lugar na playa di San Jose de Cabo, na Mexico. E suceso ta parce di tin un vinculo cu un bringamento entre banda.
E corant Zeta, di Tijuana a raporta cu cinco sicario a drenta na playa Palmilla, un zona turistico na region di “Los Cabos”, y ey nan a habri e enfrentamento, cu arma di candela contra un famia cu tabata bao di sombra di un palo.E atake a tuma lugar banda di 13:40 ora local, y 3 persona a perde nan bida, dos mas a keda herida, y un mucha muhe chikito di un aña a keda na bida, corant El Proceso a raporta. Potret y video cu a ser tuma pa turista a captura e boroto di hopi tiro y huma cu a lanta di e lugar ey. Forsa di seguridad a custodia e zona ey, pa asina laga personal di procuraduria general di husticia traha riba investigacion.
Fin di siman cu a pasa 11 persona a ser asesina na estado di Baha California Sur, cuatro na capital “La Paz” y siete mas na region turistico di Los Cabos, corant El Universal a splica.
