(AP) – Polis Chines ta investigando un dump sumamente inusual online di documentonan for di un contratista priva di siguridad relaciona cu e nacion su agencia top y otro partinan di su gobierno, un dump cu ta cataloga e actividad aparente di hacking y hermentnan usa pa spionahe riba ciudadanonan Chines y stranheronan.
Entre e victimanan di e hermentnan cu e compania impacta, I-Soon, a provee tabatin etnicidadanan den parti di China cu a mira protestanan anti-gobierno significante, manera Hong Kong of e region grandemente Musulman di Xinjiang na China.
E dump aki di gran cantidad di documento siman pasa y investigacion cu a tuma luga despues di esaki a keda confirma pa dos empleado di I-Soon, conoci como Anxun den Mandarin, cual tin conexion na e Ministerio di Siguridad Publico. E dump aki, cual ta analistanan ta considera sumamente significante aunke e nota revela ningun herment potente of nobo, ta inclui centenares di pagina di contractnan, presentacion di marketing, manual di producto y lista di empleadonan y clientenan.
Nan ta revela, den detaye, e metodonan usa pa autoridadnan Chines pa spionahe riba personanan den exterior, hack otro nacionnan y promove narativa pro-Beijing riba rednan social. E documentonan ta mustra cu I-Soon a hack rednan den Asia central y sur-este ademas di Hong Kong y e isla autonomo di Taiwan, cual Beijing ta reclama como su teritorio.
E hermentna ndi hacking usa pa e agentenan di estado Chines pa desenmascara usuarionan di rednan social manera X, ta drenta den e e-mail y ta sconde e actividad di e agentenan. Tambe describi tin dispositivonan cu ta mustra ta baterianan cu por ser usa pa compromete rednan di Wi-Fi. Tanto I-Soon como polis Chines ta investigando con e leak aki a tuma luga. Un empleado di e compania a organisa un reunion diaranson tocante e leak y nan a ser bisa cu esaki no lo afecta operacion y pa “sigui traha manera normal.” Associated Press no ta nombrando e empleadonan, kendenan a provee nan nomber y fam bao custumber Chines, a causa di preocupacion cu lo por tin consecuencia, vengansa of retribucion den contra di e empleadonan aki si revela nan identidad.
E fuente di e leak te ainda no ta conoci. E Ministerio di Exterior Chines no a responde inmediatamente na e peticionnan pa duna comentario.
