Con bay? Mi nomber ta Railynn Maria Alvarado Montilla, mi tin cuater aña y mi ta bay conta boso un tiki di kico mi ta haci den un dia.
Tur mainta 6or e alarma ta zona pa mami y papi lanta pa prepara pa e dia cuminsa. Ami no gusta lanta asina trempan y mi ta lora den mi clechi y sigui drumi un tiki mas. Pero 6:30 mami ta lanta mi y papi ta lanta mi ruman pa asina nos cuminsa prepara pa nos bay scol y siña algo nobo.
Na scol mi gusta siña, pinta, canta y hunga cu mi amiga- y amigonan. Mi wega preferi ta tik y tambe hunga cu bala. Ora di come mi mester sinta keto na mesa pa asina nos duna danki na Papa Dios pa nos cuminda y despues nos ta come.
Despues di scol nos ta yega cas y nos mag di descansa, wak television y hunga. Tin biaha, si por, mami y papi ta hiba nos parke atardi. Nos gusta masha hopi mes. Ora cuminsa bira scur nos mester cuminsa prepara pa bay drumi. Prome nos ta come, despues nos ta baña, skeiro djente y subi cama. Tin biaha mami ta lief y ta laga nos wak un tiki television prome cu nos drumi.
Prome cu nos drumi mami ta conta un storia pa nos pega soño, nos ta drumi te ora bira mainta y asina e dia ta cuminsa di nobo cu yen di alegria.
