(NLTimes) – Casi un di cada seis refugiado Ucraniano no ta participando den un programa di educacion na Hulanda y tampoco tin un trabao. Oficina di Estadistica (CBS) a bisa cu ta trata di como 17 porciento di refugiado entre 4 y 23 aña di edad.
Alrededor di un tercera parti di esnan entre 18 y 22 aña ta desempleado y no ta inscribi den un estudio. E datonan di october a keda analisa y publica como parti di un rapport nobo for di e oficina di estadistica ayera.
Mayoria di Ucraninano jong na Hulanda ta atende scol of un curso: alrededor di 65 porciento. Un grupo chikito di mucha jong for di e pais Europeo Oriental no ta atende scol primario na Hulanda. Ta varia di entre 5 y 7 porciento, dependiendo di nan edad.
Mayoria di mucha di 15 y 16 aña ta bay scol secundario. For di 17 aña bay ariba, menos y menos refugiado Ucraniano ta bay scol ya cu nan ta mas biaha enfoca riba nan trabao.
Mayoria di Ucraniano a huy di nan pais desde cu Rusia a intensifica su invasion di e pais na 2022. Na comienso di october, tabatin casi 98mil Ucraniano na Hulanda. Alrededor di 30mil di nan tabatin 23 aña di edad of menos.
E grupo ta plamando na e pais. E tasa per capita mas halto di Ucraniano ta ubica na Leek, Limburg y Pekela, Groningen. Ambos municipalidad tin un area grandi di recepcion pa refugiado Ucraniano.
Gennep den nort di Limburg, Blaricum den region Gooi di Noord-Holland, y Renswoude, Utrecht ta sigui riba e lista di mas refugiado per capita.
