Un “desaster den salubridad” ta den desaroyo na Hulanda, segun fondonan di salud ta adverti gobierno

(NLTimes)—“Un desaster den salubridad ta den desaroyo,” segun 22 fondo di salud a adverti den un manifesto presenta na minister pa Cuido Medico demisionario Pia Dijkstra dialuna.

Tin desigualdadnan di salud grandi na Hulanda, hende Hulandes ta duna menos tempo riba un bon salud, mas hende tin condicionnan cronico, y 40 porciento di hoben no ta eherce suficiente. Cambia esaki por medio di haci salud e punto di comienso pa tur politica di gobierno, e fondonan a bisa, cual ta inclui KWF, Brain Foundation y e Diabetes Fund, NOS ta reporta.

Segun e manifesto, hende cu salario mas abao ta biba ocho aña menos compara cu hende cu ta gana un salario halto. Tambe nan ta biba 24 aña menos den bon salud. Bibando insaludable ainda ta mas facil y mas barata compara cu un estilo di bida saludable. Un mal salud ta costa sociedad hopi placa y ta aumenta e deficitnan cu ya caba ta amplio. “E desaroyo aki no ta stop riba su mes,” e fondonan a bisa den nan manifesto.

Otro aña, e 22 fondo den colaboracion ta plania pa organisa un cumbre di salud cu e gobierno, mundo empresario, cientificonan, cuido medico y organisacionnan di pashent. Nan kier crea acuerdonan concreto tocante promocion di salud. E fondonan kier atencion riba nan preocupacion, “pero na mesun momento nan kier tuma accion y lidera,” segun presidente Hans Chirmbeck a bisa.

E acuerdo di e coalicion nobo ta menciona e prevencion di problema di salud. PVV, VVD, NSC y BBB kier haci prevencion “mas central” por medio di enfoca riba cosnan manera “deporte y ehercicio, mehorando salud, reduciendo diferencianan den salud, y maneha e demanda pa cuido.”