Sea cu bo ta un deportista of no drumimento ta algo hopi esencial den un bida di un persona. Drumi suficiente, kico esaki kiermen ? Mirando den e circunstancia cu nos ta di COVID 19 drumi suficiente ta hopi importante.
Drumi y lanta na e mes un ora incluyendo den weekend ta laga bo durante dia cu hopi energia. Pa ta un deportista e basenan aki ta importante, pero pa un persona cu no ta haci deporte e basis aki tambe ta necesario pa ta bon structura.
Dor di drumi suficiente bo ta duna bo curpa e descanso cu e mester pa restaura, recupera,conserva energia,produci hormona y mehora memoria y siñamento. un manera pa mehora e calidad y cantidad di bo soño , ta pa drumi y lanta na e mes un ora tur dia hasta weekend.
Di e manera aki tambe e deportista ta boost su sistema cu e por sigui cu su retonan deportivo. Drumi suficiente e mente ta keda positivo y e deportista por keda focus riba su reto cu e la pone su dilanti. Un mente di e deportista ta cual ta hibe logra su meta, pesey mes drumi suficiente y lanta na ora ta importante pa bo salud.
