(Infobae) – Comunidad di Buenavista de los Hurtados, municipio Heliodoro Castillo, Guerrero, ayera a cumpli mas di 24 ora cu bombardeonan di drone y atakenan arma, presuntamente, haci pa integrantenan di crimen organisa cu a cuminsa for di 26 di januari ultimo.

Hermilio Hurtado, comisario di Buenavista de los Hurtados, a reporta cu e atakenan a continua durante oranan di atardi di diasabra 27 di januari di januari.

“Nos ta sigui scucha explosionnan pariba na Buenavista de los Hurtados,” e comisario tambe a bisa cu ta bombanan cu ta ser tira cu drone.

Diasabra e comisarionan di varios poblacion di municipio Heliodoro Castillo a reuni, “tabata un reunion di comisarionan y di pueblo en general. Nos a papia di siguridad, nos ta sigui insistiendo. Nos tin cu duna informacion na e pueblonan.”

Di su parti, Secretaria di Siguridad Publico di estado di Guerrero a señala cu nan no a haya ningun rapport di atakenan.

Habitantenan a solicita ayudo di autoridadnan dia 26 di januari. “Nos mester ayudo, akinan ta papia e comisario di Buenavista de los Hurtados,” por a scucha den un audio cu a ser manda na e sacerdote y director di Centro Minerva Bello, Jose Filiberto Velazquez.

Hermilio Hurtado a informa cu e gruponan aki a cende den candela un sero y a tira cu armanan di candela. “Mi a wak nan, nos a scucha tironan y drone.”

E comisario a agrega cu habitantenan tin miedo y a agrega cu a pesar cu e sacerdote a reporta na autoridadnan caba, te ainda “nan no ta haya oido.”

Un siman pasa forsanan federal a bandona e poblacion despues cu nan a haya un rapport di enfrentamento di dos organisacion criminal.

Pa e hechonan aki, a laga atras por lo menos cinco cabes y varios curpa kima, asina como seis persona herido y varios persona desaparecido, esey tabata e resultado di un conflicto entre e structuranan criminal aki.

E atakenan di e gruponan La Familia Michoacana y Los Tlacos a bira pio durante ultimo simannan, pa lo cual tambe e extende te municipio di Chilpancingo, Taxco y esun ubica entre e limite cu estado di Morelos.

Na Taxco, a circula videonan riba rednan social na unda por mira varios persona arma coriendo auto trankil den pleno luz di dia, sin cu ni un autoridad ta detene nan.

Pa e motibo aki, Embahada di Merca na Mexico a emiti un alerta di biahe nivel 4 dia 26 di januari ultimo pa su ciudadanonan no bay bishita Taxco.

Riba su rednan social, Embahada a publica “advertencia di biahe di Departamento di Estado pa Guerrero,” debi na incidentenan reciente di siguridad, empleadonan di gobierno Mericano tampoco por biaha pa Taxco.