2aug, JM, Norman (3).JPG

Na Aruba tin diferente escenario di bida uno mas dificil cu otro , pero tambe tin diferente cu ta den situacionnan no humano.

Norman Querrero ta un ciudadano di San Nicolas y ta bibando actualmente den un situacion no humano. Segun Norman e ta bao di tratamento debi cu e ta un pashent psikiatrico.

Actualmente e ta bibando den cas di su defunto mama y su ruman muhe parti patras. E camber no tin baño y no tin coriente y tampoco awa. Segun Norman e tabatin un cas di FCCA pero  tabata haya hopi molester di e muchanan  cu ta biba den bario debi cu nan sa cu e ta malo y nan ta bin kibra su bentananan  y spanta su persona den oranan di anochi. Esaki a conduci cu FCCA no a wanta su persona mas den e cas.

Segun Norman FCCA a bisa cu na momento cu su mama y su tata a muri e por bay biba na cas di su mayornan y esun cu ta para responsabel pe debi cu e ta un pashent psikiatrico lo mester percura pe, pero den e caso aki esaki no ta sosodiendo. Pone un ruman den un camber sin baño y sin coriente y awa no ta cuida un persona, pero lastimamente Norman Querrero ta bibando e tristo realidad aki.

Sinembargo aunke cu Norman ta pasando den momentonan dificil e ta menciona cu e tin hopi fe den Dios y cu e tin deseo di biba miho, pero no ta hayando e oportunidad. E ciudadano ta sinti su mes hopi su so y cu un tristesa den su cara ta expresa cu si su mama tabata na bida lo e no ta pasando den e situacion asina aki, mirando cu su mama semper tabata t’ey pe den bon y den malo.

Segun Normen el kier pidi FCCA pa un cas un biaha mas, pero pa e haci esey e persona cu  ta responsabel pe mester bay hunto cu su persona FCCA pa haci e procesonan posibel.  Norman no ta logra convence su ruman pa bay FCCA pa por haya un cas cu su persona.

E ciudadano ta sinti cu su famia no ta stime mas y cu nan ta menosprecia su persona  como famia y esey ta lage sinti hopi tristo.