(nltimes.nl) – E cantidad di hende muhe den posicion di management na companianan grandi Hulandes a aumenta e aña aki. Casi un den tres director nobo na companianan evalua tabata hende muhe – un record nobo y un aumento grandi compara cu e 13% di aña pasa, segun reportenan di NOS for di Female Board Index.
E indice ta sigui e proporcion di directornan y directornan di supervision muhe na 82 compania Hulandes evalua durante 18 aña.
Compania cu ta den e lista AEX ta traha duro riba diversidad di genero, segun Mintje Lückerath-Rovers, un profesor y e persona cu ta compila e indice. “Den promedio, nan ta bayendo hopi miho den AEX. 25% di e directornan eynan ta muhe. Nan tambe ta mas suseptibel pa ricibi mas critica pasobra nan ta hopi mas visibel cu e companianan chikito cu ningun hende conoce. Hopi hende ta traha na companianan di AEX y nan kier mustra cu nan ta moderno,” el a bisa.
Di otro banda menos bon, tin ainda 57 compania cu no tin niun persona femenino den su Directiva. E companianan ey a nombra 14 director homber nobo aña pasa.
Hulanda no tin un quota pa hende muhe den un hunta directiva, pero tin un pa hunta di supervision. For di 2022, e ta un rekisito legal pa companianan evalua tin por lo menos 33% hende muhe den nan hunta di supervision.
73 di e 82 compania evalua aworaki ta cumpli cu e rekisito aki. E cantidad di homber y muhe na e nivel aki a keda casi igual ya pa un tempo largo. E aña aki, tin 53% hende homber y 47% hende muhe den e hunta di supervision di companianan evalua.
E nuebe companianan cu no ta cumpli cu e quota ta compania chikito, local cu ta evalua. Nan no ta den violacion pasobra nan no a nombra niun miembro nobo den e hunta di supervision aña pasa.
Segun Lückerath-Rovers, e quota no ta e unico motibo pakico e diferencia den diversidad di genero den directiva y hunta di supervision ta asina grandi. E oferta di hende tambe ta hunga un rol. “Cu miembronan di hunta di supervision, bo semper ta busca pafo, cu ta nifica cu e fuente den cual bo ta busca ta hopi mas grandi. Un posicion di maneho ta mas un trabou full-time, y directornan nobo hopi biaha ta subi for di otro nivelnan den e organisacion. Si e resto di e compania ta diversifica suficiente, tur cos lo bay bon.”
“Ta hopi bon cu e indice ta mustra un aumento significante den e porcentahe di directornan femenino nobo,” Secretario di Estado Mariëlle Paul (Emancipacion) a bisa na RTL Nieuws. “Mi ta convenci cu un top diversifica, cu suficiente role model pa tur hende, ta sigura un operacion di negoshi miho.”
Pero tin trabou cu mester haci ainda, el a bisa, referiendo na e 57 compania cu no tin hende muhe den nan directiva. El a urgi companianan pa pone metanan “ambicioso” pa nan directiva.
