Diasabra cu a pasa, Boneiro a yama bon bini na vuelonan directo di Merca cu American Airlines y Delta Airlines for di Miami y Atlanta, respectivamente marcando un era importante pa nos isla.
Despues di un temporada di 15 luna sin operacion dor di e pandemia, e dos aeroplanonan a resumi nan vuelonan pa Boneiro riba diasabra y diaranson. Esaki ta un bon noticia pa e economia di Boneiro, nos bishitantenan di Merca cu tabata anhela pa bishita Boneiro, pa nos sector turistico y tambe henter nos comunidad cu tabata anhela pa nan yegada.
Tourism Corporation Bonaire (TCB) a encurasha partnernan local pa forma parti di e evento cu un toke cultural y unico pa asina colabora cu un regalo pa e bishitantenan. TCB a prepara e evento cultural na aeropuerto y como atraccion a pone algun peluche di entre otro flamingo, turtuga, yuana y burico riba e band di ekipahe cu regalo den forma di ‘voucher’ di e diferente partnernan cu a coopera. E pasaheronan por a piki e peluche como un regalo di parti di Boneiro.
Na salida por a topa un ambiente kultural ku musika di kaha di òrgel i Donnie i Monique ku trahe folklor pa entretené e pasaheronan ku a kaba di yega Boneiru. Tambe TCB a entregá kada pasahero un tas ku varios artíkulo di promoshon i regalo aden. Esaki a wòrdu entregá pa e aktual Miss Tourism Bonaire i e di dos finalista di Miss Tourism Bonaire, tambe bisti den trahe folklor.
Por a mira e emocion riba e cara di e bishitantenan na momento cu nan a keda sorpresa dor di e evento y e publico yamando nan bon bini, locual sigur a haci un impacto y lo keda graba den nan memoria. Varios di e bishitantenan a tuma tempo pa captura e momento.
TCB ta yama DANKI na cada un di e partnernan cu a colabora cu nan regalo pa nos bishitantenan; Belmar Oceanfront Apartments, The Bellafonte – Luxury Oceanfront Hotel, Blennies, Bonaire Destination Services, Bonaire Kiteschool, Bonaire Landsailing Adventures, Bonaire Tours & Vacations, BonTapa, Bottles, Brass Boer, Buddy Dive Resort, Budget Car Rental, The Cadushy Distillery, Coral Casino, Cuba Compagnie, Daily Fresh, Delfins Beach Resort, Divi Flamigo Beach Resort & Casino, Epic Tours, Gio’s, Hitess N.V., Ingridiënts Restaurant, It Rains Fishes, Karel’s Beach Bar, Luciano’s, Melissa Sailing, STINAPA, Tropical Nature, Ocean Oasis Beach Club, Patagonia Restaurant, Van der Valk Plaza Beach Resort, Salty Tours, Sebastian’s Restaurant, Bar & Lounge, Tiki & Co, Tulip Spa, The Touch Spa, Sorobon Beach Resort i Stoked.
TCB ta gradici OLB, BIA, PG, BonLab y BHM/BOG pa e logro aki. Sigur na esunnan cu desde maart 2020 a anhela pa e dia aki. Ban sigui mantene na e reglanan stipula pa asina mantene nos isla safe y saludabel pa nos sigui yama nos bishitantenan bon bini.
