Un brug a collapse parcialmente riba e riu Moju, na estado Amazonico di Pará (na nort di Brasil) y a laga varios persona desapareci marduga di diasabra, fuentenan oficial a informa.
Despues di bula riba e zona, e gobernador di estado, Helder Barbalho, a informa via Twitter cu e collapse a ser causa pa via di un boto cu a dal un di e basenan di e brug cu tabata transporta residuo.
Na e momento di e accidente, segun dos autonan cu tabata circula e banda ey di e brug a cay den awa, cerca di e municipio di Acará.
Autoridadnan ta desconoce e cantidad di persona desapareci, cu ta busca pa e rescatista di e Cuerpo di Bombero. Segun e bomberonan, no a localisa ni tripulante ni e documentacion di e boto, pa loke nan tin sospecha cu tabata clandestino.
E brug afecta tin un extension di 860 meter y un haltura di 23 meter y ta forma parti di un compleho di caretera y brugnan cu ta conecta e capital di Pará, Belen cu interior di estado.
Tecniconan di e gobierno regional y municipal tambe ta den e zona di e tragedia, y ta busca alternativa pa garantisa e movecion di e autonan cu ta concentra na largo rijnan alrededor pa via di e collapse di e structura. Sin e brug, e transporte maritimo ta e alternativa unico pa yega te otro region di estado.
E cifranan di embarke ta mustra cu alrededor di 5,7 miyon di tonelada di soya y 3 miyon di tonelada di maishi a ser manda desde e region, un volumen cu lo por aumenta pa e expansion di wafnan di acuerdo cu varios consultor.
