Zr.Ms. Holland un biaha mas a intercepta un transporte grandi di droga den Lama Caribe. 511 kilo di cocaina tabata e cantidad riba 24 di November ultimo, locual cu a keda publica awe. Na momento di e intercepcion a manda tiro dirigi riba e motornan di e boto chikito cu droga. Ta e di 7 captura desde yegada di e Barco di Marina den Region Caribense.
E avion maritimo di patruyahe di Wardacosta Region Caribe a mira un boto sospechoso den Lama Caribe. Zr.Ms. Holland mes ora a drenta accion, y a hiba curso direccion di e boto sospechoso y tambe a manda su botonan di intercepcion rapido tambe den su direccion.
Tripulacion di e botonan FRISC, e scuadron di Fleta di Marina y un ekipo maritimo di mantencion di orden legal di Wardacosta Mericano, a forsa e boto cu droga pa stop. Esaki a logra finalmente cu tironan dirigi tira riba e motornan di e boto chikito aki. Durante e accion e cuater contrabandistanan sospechoso a tira paketenan cu droga for di e boto den lama. Tur e paketenan a keda saca for di lama y a trece esakinan na bordo di Zr. Ms. Holland. Un total di 511 kilo di cocaina a keda confisca.
E sospechosonan ademas di e droga a keda entrega na Wardacosta Mericano. E contrabandistanan ta warda nan persecucion na Estados Unidos.
Barco di Patruya
Zr.Ms. Holland for di cuminsamento di September ta activo como barco di patruya staciona den Region Caribense. E barco di Patruya ta funciona durante operacionnan anti droga intercambiando hunto cu Wardacosta Mericano y Wardacosta Region Caribe.
